ကရင်နီလူငယ် စခန်းလူငယ်နှင့် မူးယစ်ဆေးဝါးလျှော့ချရေး ဖော်ရမ် စတင်ဖွင့်လှစ်

 

KnIC (HQ-TTK)      3 FEB

ကရင်နီအမျိုးသားလူငယ်အစည်းအရုံးမှ ကမကထိပြုကျင်းပသည့် ကရင်နီစခန်းလူငယ်နှင့် မူးယစ်ဆေးဝါးလျှော့ချ   ရေး ဖော်ရမ် ဖွင့်လှစ်ပွဲကို ၂၀၁၇-ခုနှစ်၊ ဖေဖေါ်ဝါရီလ (၃) ရက်နေ့၌ ကရင်နီဒုက္ခသည်စခန်းအမှတ်-(၁)၊  စခန်း  ကော်မတီအုပ်ချုပ်ရေးရုံးတွင်ကျင်းပရာ အခမ်းအနားသို့ ကရင်နီအမျိုးသားတိုးတက်ရေးပါတီမှအတွင်းရေးမှူး-၂ ဦးရွှေမျိုးသန့်ဦးဆောင်တက်ရောက်ပြီး၊ ဒုက္ခသည်ပင်မကော်မတီမှ တာဝန်ရှိသူများ၊ စခန်းအုပ်ချုပ်ရေးကော်မတီမှတာဝန်ရှိသူများ၊ ဗဟိုလူငယ်အစည်းအရုံး မှလူငယ်ခေါင်းဆောင်များနှင့် စခန်းလူငယ်အစည်းအရုံးမှ တာဝန်ရှိလူ ငယ်ခေါင်းဆောင်များ၊ ထိုင်းဒေသဆိုင်ရာအာဏာပိုင် အဖွဲ့အစည်းများမှ တာဝန်ရှိသူများ၊ စခန်း-(၁) နှင့်ခန်း- ၂မှ   လူငယ်မောင်မယ်များ စုစုပေါင်း ၁၀ဝ ဦးခန့်တက်ရောက်ခဲ့ ကြောင်းသိရှိရပါသည်။

လူငယ်နှင့်မူးယစ်ဆေးဝါးလျှော့ချရေးဖော်ရမ် ခေါ်ယူရခြင်းနှင့်ပါတ်သက်၍ ဗဟိုကရင်နီအမျိုးသားလူငယ်အစည်းအရုံးမှ အတွင်းရေးမှူးခူတော်ရယ်မှ ရှင်းလင်းပြောကြားရာတွင် စခန်းတွင်းတွင်လူငယ်များသည် မူးယစ်ဆေးဝါး   အဓိကအားဖြင့် အရက်သေစာသောက်စားမှုများပြားပြီး မူးယစ်ရမ်းကားမှုများရှိနေခြင်းနှင့် အရက်ကြောင့်မလိုလား အပ်သော ပြဿနာဖြစ်ပွားခြင်း၊ လူငယ်များအတွက် အန္တရာယ်ဖြစ်စေနိုင်သည့် မူးယစ်ဆေးဝါးများနှင့် လူငယ်များဆက်စပ်ပါတ်သက်မှုများအတွက် ဝိုင်းဝန်းအဖြေရှာရန်အတွက် ဤဆွေးနွေးပွဲကိုခေါ်ယူရခြင်းဖြစ်ကြောင်း ရှင်း      လင်းပြော  ကြားသွားပါသည်။

ဆက်လက်၍ ပင်မဒုက္ခသည်ကော်မတီဥက္ကဌမန်းစောမှ လူငယ်များအား အားပေးအမှာစကားပြောကြားပါသည်။ ထို့နောက်အစီအစဉ်အရ ကရင်နီအမျိုးသားတိုးတက်ရေးပါတီ အတွင်းရေးမှူး-၂ ဦးရွှေမျိုးသန့်က လက်ရှိမြန်မာနိုင်ငံရေး အခြေအနေ၊ ငြိမ်းချမ်းရေးတည်ဆောက်မှုနှင့် ကရင်နီအမျိုးသား           တိုးတက်ရေးပါတီ၏ ငြိမ်းချမ်းရေး   တည်ဆောက်မှုဖြစ်စဉ်များကို လူငယ်များအား   ရှင်းလင်းပြောကြားပါသည်။

အခမ်းအနားသို့တက်ရောက်လာသည့် ကရင်နီအမျိုးသားတိုးတက်ရေးပါတီ၊ ပါတီခွဲအတွင်းရေးမှူးလွီးဇီနှင့် ဒုက္ခသည်စခန်းဆိုင်ရာ ထိုင်းအာဏာပိုင်အဖွဲ့အစည်းမှ တာဝန်ရှိသူ စွန်ချိုင်း တို့မှလည်း အမှာစကားပြောကြားခဲ့ကြပါ သည်။

တာဝန်ရှိသူအသီးသီးမှ အမှာစကားပြောကြားအပြီး ကရင်နီဒုက္ခသည်စခန်း (၂) ခုတွင်ပြဌာန်းလျှက်ရှိသည့်        ဥပဒေများနှင့် လိုက်နာကျင့်သုံးမှုအခြေအနေကို စခန်း-(၁) မှ စခန်းကော်မတီဒု-ဥက္ကဌနော်ခူဖောနှင့် စခန်း-၂ မှ  စခန်းကော်မတီ အတွင်းရေးမှူးဘိုလိုးလို တို့ကလူငယ်များကို အသီးသီးရှင်းလင်းတင်ပြကြပါသည်။

ထို့နောက်တွင် အစီအစဉ်အရ စခန်းတွင်း လူငယ်နှင့်မူးယစ်ဆေးဝါးပြဿနာကို ဝိုင်းဝန်းအဖြေရှာရန်အတွက်         တက်ရောက်လာသည့် လူငယ်များက အုပ်စု (၅) စုခွဲ၍ ဆွေးနွေးကြပြီး အပြန်အလှန်အမြင်ခြင်းဖလှယ်၍ အဖြေထုတ်ကြ မည်ဖြစ်ပါသည်။

၂ ရက်တာကျင်းပမည့် လူငယ်နှင့်မူးယစ်ဆေးဝါးလျှော့ချရေးဖော်ရမ်သို့ စခန်း-(၁)နှင့် စခန်း-(၂) မှလူယ်ကိုယ်စားလှယ်စုစုပေါင်း ၁၀ဝ ဦးခန့်တက်ရောက်ခဲ့ကြောင်းသိရှိရပါသည်။

Leave a Reply