လွတ်တော်ရေးရာဆိုင်ရာနှီးနှောဖလှယ်ပွဲကို လွိုင်ကော်မြို့တွင်ကျင်းပ

 

KnIC (LKW): Jan 10 (Poe Myar, Kyar Myar)

ပြည်ထောင်စုလွတ်တော်ဒုတိယ နာယက အမျိုးသားလွတ်တော်ဒုတိယ ဥက္ကဌမှလူထုများ၊ CSO နိုင်ငံရေး ပါတီများ၊ လွတ်တော်အမတ်များနှင့် တွေ့ဆုံ၍ လူထုအသံနားထောင်ရန်၊ လူထု၏ လိုအပ်ချက်ကို သိရှိရန် နှင့် တက်ရောက်လာသူများမှ နိုင်ငံရေးအခြေအနေတွေကိုတင်ပြဆွေးနွေးနိုင်ရန်အတွက် လွတ်တော်ရေးရာဆိုင်ရာ ဆွေးနွေးပွဲကို လွိုင်ကော်မြို့နယ်၊ မြို့နယ်ခန်းမတွင် ၂၀၁၇ခုနှစ်၊ ဇန်နဝါရီလ(၁၀)ရက်နေ့ မနက်(၉းဝ၀)နာရီမှ ၁၂းဝ၀နာရီအထိ ကျင်းပပြုလုပ်ခဲ့ကြောင်းသိရသည်။

ပြည်ထောင်စုလွတ်တော်ဒုတိယနာယက၊ အမျိုးသားလွတ်တော်ဒုတိယဥက္ကဌ ဦးအေးသာအောင်မှ တိုင်းပြည်တိုးတက်ဖို့ ကျန်မာသန်စွမ်းတဲ့လူငယ်တွေလိုအပ်ကြောင်း၊ ပညာတတ်လူငယ်တွေဖြစ်ဖို့လိုအပ်ကြောင်း၊ လွတ်တော်ကိုယ်စားလှယ်များဟာ အစိုးရကိုထိန်းကျောင်းပေးရပါမယ်၊ လွတ်တော်ကိုယ်စားလှယ်များဟာ မဲဆန္ဒနယ်မှာရှိတဲ့ပြည်သူကို ကိုယ်စားပြုရမည်ဖြစ်ကြောင်းကို ဆွေးနွေးသွားပါသည်။

ကယန်းအမျိုးသားပါတီ ဥက္ကဌဦးခွန်းဘီထူးက တိုင်းရင်းသားခေါင်းဆောင်များမှ တိုင်းရင်းသားအရေး၊ မြန်မာနိုင်ငံရဲ့အသွင်ကူးပြောင်းရေး၊ မြန်မာနိုင်ငံရဲ့ ဒီမိုကရေစီနဲ့ လွတ်တော်အားကောင်းရေးကိစ္စတွေကို တင်ပြဆွေးနွေးကြဖို့ ဖိတ်ခေါ်ကြောင်း၊ ကျွန်တော်တို့ လက်ရှိအသွင်ကူးပြောင်းရေးကာလတွေဟာ ဒီနိုင်ငံတွေမှာ NLD ပါတီကနောက်ကပါလာခြင်းဖြင့် အထူးသဖြင့်လွှတ်တော်ကို အားကောင်းကောင်း နဲ့ဖွဲ့စည်းနေပါတယ် လွှတ်တော်ထဲမှာအဆိုတွေအားလုံးအောင်မြင်နေတယ် ကျင်းပတဲ့ဥပဒေရေးရာကိစ္စ အားလုံးဟာ အဆင်ပြေချောမွေ့နေကြောင်း၊ ယခင်စစ်အစိုးရလက်ထက်မှာ မရှိခဲ့သေးတဲ့အခွင့်အရေး အားလုံး၊ မတည်ဆောက်နိုင်ခဲ့တဲ့အားလုံးဟာ ဒီနေ့ဒီချိန်ထိပြန်လည်တည်ဆောက်တဲ့အနေအထားမျိုး ဖြစ်ကြောင်း၊ လွတ်တော်ကအားကောင်းနေကြောင်း လွတ်တော်ထဲမှာ အမတ်တွေကို ကျွန်တော်တို့ကနေ တဆင့် ပြည်သူလူထုတွေအားလုံး၊ သက်ဆိုင်ရာအားလုံး၊ ပါတီတွေအားလုံး၊ CSO  တွေအားလုံးဝန်းရံပြီးမှ ဒီအသွင်ကူးပြောင်းရေးကို အောင်အောင်မြင်မြင်ဆက်ဆက်ပြီးသွားနိုင်ဖို့ လိုအပ်နေသေးကြောင်း၊ လွတ်တော်က အားကောင်းနေသော်ငြားလည်း နိုင်ငံရေးအခြေအနေမှာ လက်မခံလို့မရတဲ့ အနေအထား မျိုးက အစိုးရတွေရဲ့အခန်းကဏ္ဍ၊ လုပ်ဆောင်ချက်တွေမှာ အဟန့်အတားနဲ့စိန်ခေါ်မှုတွေရှိနေသေးတယ်၊  ပွင့်ပွင့်လင်းလင်းနဲ့ အားကောင်းအောင်ဆောင်ရွက်နိုင်ဖို့ အခက်အခဲရှိနေသေးကြောင်း၊ ဒီအရှိတရားကို ကယားပြည်နယ်တွင်ရှိနေသော နိုင်ငံရေးအင်အားစုတွေ၊ CSO တွေပူးပေါင်းဆောင်ရွက်ဖို့ လိုအပ်ကြောင်း ဆွေးနွေးသွားပါသည်။

ဒေသခံတောင်သူတစ်ဦးဖြစ်သည့် လွိုင်ကော်၊ မြေနီကုန်းကျေးရွာမှ ဦးဦးရယ်မှ ၁၉၉၀-၁၉၉၁ခုနှစ်တွင် နိုင်ငံတော်ကလုံခြုံရေးဆိုင်ရာကိစ္စအတွက်ဆိုပြီး စစ်တပ်မှဒေသခံတောင်သူများရဲ့ လယ်ယာမြေများကို သိမ်းဆည်းခံခဲ့ရကြောင်း၊ သိမ်းဆည်းထားတဲ့လယ်ယာမြေကို ပြည်သူလူထုတွေဖြစ်တဲ့ တောင်သူတွေ အနေနဲ့ လိုအပ်ချက်အရ မြေယာသိမ်းဆည်းတဲ့ကိစ္စကို လက်ခံသော်လည်း ပိုလျှံနေတဲ့မြေတွေကို ပိုင်ရှင် ထံပြန်လည်ပေးဖို့၊ အပ်နှံပေးဖို့ တပ်မတော်အနေနဲ့ ပြန်လည်စွန့်လွှတ်ပေးဖို့ တရားဝင်ပုံစံ(၇) ပြန်လည် ထုတ်ပေးဖို့ကိုလိုလားကြောင်း           တောင်ဆိုဆွေးနွေးသွားပါသည်။

အပြောင်းအလဲလုပ်ဖို့ဆိုတဲ့နေရာမှာ နိုင်ငံတော်ဒီမိုကရေစီနှင့် ကောင်းမွန်တဲ့အုပ်ချုပ်ရေးစနစ်ပေါ်ပေါက်ဖို့၊  တိုင်းရင်းသားတွေနဲ့ သံဟဇာတဖြစ်ဖို့၊ ဖယ်ဒရယ်ပြည်ထောင်စုတည်ဆောက်ဖို့ကိစ္စကို ဆွေးနွေးသွားပြီး အသင်းအဖွဲ့တွေရဲ့ မှတ်ပုံတင်ခြင်းကိစ္စတွင် ဥပဒေအရမှတ်ပုံတင်မရှိသော်လည်း လူမှုရေးလုပ်ငန်းများကို လုပ်ကိုင်ခွင့်ရှိသည်ဟု သိရသော်လည်း ဆွေးနွေးပွဲ၊ ဖိုရမ်များဆောင်ရွက်ရန်တွင် အခက်အခဲရှိကြောင်း၊ သက်ဆိုင်ရာတာဝန်ရှိသူများက မတရားအသင်းများနှင့် ရောနှောတတ်ကြောင်း ဒီကိစ္စကို ရှင်းရှင်းလင်းလင်း ဖြစ်အောင် ပြည်ထောင်စုလွှတ်တော်မှ ဖြေရှင်းဆောင်ရွက်ပေးဖို့ တိုက်တွန်းသွားပါသည်။

ဆွေးနွေးပွဲသို့ လူမှုဖွံ့ဖြိုးရေးအဖွဲ့အစည်းများ၊ နိုင်ငံရေးပါတီများ၊ ပြည်သူလူထုများ၊ လွတ်တော်ကိုယ်စား လှယ်များ၊ အစိုးရအဖွဲ့အစည်းများတက်ရောက်ကြပြီး စုစုပေါင်းအင်အား(၃၀ဝ)ဦးခန့် တက်ရောက်ကြ ကြောင်းသိရသည်။

 

Leave a Reply