လွိုင်ကော်မြို့တွင် ကရင်နီပြည်လူငယ်မူဝါဒရေးဆွဲရေးကော်မတီများ သတင်းစာရှင်းလင်းပွဲပြုလုပ်ကျင်းပ

 

KnIC (LKW): Jan 7      (Poe Myar, Kyar Myar)

 

လူငယ်မူဝါဒရေးဆွဲရေးအတွက် ဇန်နဝါရီလ ၅၊ ၆ရက်အထိလွိုင်ကော်မြို့၊  မြို့တော်ခန်းမတွင် ပြုလုပ်ခဲ့ သော ပြည်နယ်ကိုယ်စားပြု လူငယ်ရွေးချယ်ခြင်း ဆွေးနွေးပွဲဖြစ်စဉ်တွင် ဗဟိုဦးစီးမှူးလွန်ကဲခြင်းနှင့် အာဏာရှင်များ၏လုပ်ည်းများအတိုင်းကျင်းပသွားသည်ကို ရှတ်ချကြောင်းသတင်းစာရှင်းလင်းပွဲကို ကရင်နီပြည်လူငယ်မူဝါဒရေးဆွဲကော်မတီမှ ဦးဆောင်၍လွိုင်ကော်မြို့၊ နောင်ယား(က)ရပ်ကွက်ရှိ ကရင်နီပြည်လူငယ်များသမဂ္ဂရုံးတွင်၂၀၁၇ခုနှစ်၊ ဇန်နဝါရီလ ၇ရက်နေ့ နံနက်၁၀း၃၀နာရီမှ ၁၁း၃၀နာရီ အထိ ကျင်းပခဲ့ကြောင်းသိရသည်။

ကရင်နီပြည်လူငယ်မူဝါဒရေးဆွဲရေးကော်မတီအား ပြည်နယ်ဝန်ကြီးချုပ်က ဌာနေတိုင်းရင်းသားများပါဝင် စေရန် ညွန်ကြားခဲ့သည့်အပြင် ကော်မတီဝင်၁၂ဦးအား အသိအမှတ်ပြုခဲ့ပြီး ဒေါက်တာအောင်ကျော်ဌေး ကိုယ်တိုင် တက်ရောက်ခဲအားပေးခဲ့သော်လည်း ယခုအသစ်ပြန်လည်ရေးဆွဲခြင်းအား ကန့်ကွက်ခြင်း ဖြစ်ကြောင်းသိရသည်။ ကရင်နီပြည်လူငယ်အဖွဲ့တွေနဲ့ချင်းပြည်နယ်လူငယ်၊ ရှမ်းတောင်လူငယ်အဖွဲ့ တွေနဲ့ပူးပေါင်းပြီးမှ သတင်းစာရှင်း လင်းပွဲကိုပြုလုပ်ခဲ့သည်။

ကရင်နီပြည်လူငယ်မူဝါဒရေးဆွဲရေးကော်မတီမှ အစိုးရအားတောင်းဆိုသည့်အချက်(၃)ချက်ကို လက်ခံပြင်       ဆင်ပေးခြင်းမရှိသလို အခြားတိုင်းဒေသကြီးနှင့် ပြည်နယ်မှလူငယ်များက facilitate ပြုလုပ်၍ အစိုးရနှင့်ပူးပေါင်းကာ ပြည်နယ်အတွင်းမှာရှိတဲ့ NLD လူငယ်တွေကိုဆွဲခေါ်ပြီးမှကိုယ်စားလှယ် (၃)ဦး ရွေးချယ်သော Forum တစ်ခုလုပ်လိုက်တဲ့ကိစ္စကို လုံးဝကန့်ကွက်ကြောင်းကို ပါတီလူငယ်တွေ ပါဝင်လို့မရပါဘူးဆိုတဲ့ မူထုတ်ထားတဲ့ နိုင်ငံလုံးဆိုင်ရာကော်မတီတွေဖြစ်တာကို လူငယ်တွေအချင်းချင်းကြားယုံကြည်မှု ပျက်ပြားအောင်လုပ်တာဖြစ်တယ်၊ ညီညွတ်ရေးကို သွားရမည့်အချိန်မှာ ကျွန်တော်တို့ကရင်နီလူငယ်အသင်းကိုလာရှုပ်တယ်၊ သူတို့လုပ်ရပ်ကို ကျွန်တော်တို့ကော်မတီကရှုံ့ချတယ်၊ အစိုးရကကျွန်တော်တို့နဲ့ ဆက်လက်ညှိနှိုင်းရမည့်အစား နီးစပ်ရာလူငယ်တွေကိုခေါ်တယ်၊ NLD လူငယ်တွေခေါ်တယ်၊ အစိုးရနဲ့ နိုင်ငံလုံးဆိုင်ရာရွေးချယ်လိုက်တဲ့ ကိုယ်စားလှယ်သုံးဦးဟာ ဆိုလို့ရှိရင် ကျွန်တော်တို့ဌာနေတိုင်းရင်းသားတွေမဟုတ်ဘူး ပြည်နယ်ကို ကိုယ်စားပြုမယ်ဆိုတဲ့ လူငယ်ကိုယ်စားလှယ်တွေက ဌာနေတိုင်းရင်းသားမဟုတ်ဘဲ ပြောင်းရွေ့နေထိုင်တဲ့လူမျိုးစုတွေဖြစ်နေတယ် ဒါကိုကြည့်ခြင်းအားဖြင့် အစိုးရကတော့ သူတို့နေ့တပိုင်းနဲ့ လူငယ်တွေကိုဖိတ်ပြီးလုပ်တာဖြစ်တယ်၊ နောက်ပြီး နိုင်ငံလုံးဆိုင်ရာကော်မတီကလည်း ကျွန်တော်တို့ ပြည်နယ်အကြောင်းကို မသိဘဲနဲ့ဦးဆောင်ပြီး လူငယ်တွေကိုရွေးလိုက်တာဖြစ်တယ်ဆိုတာ သိသာထင်ရှားနေပါတယ်’’ ဟု ဖိလစ်စိုးအောင်ကပြောသည်။

ရှမ်းပြည်တောင်ပိုင်းနှင့် ချင်းပြည်လူငယ်မူဝါဒရေးဆွဲရေးကော်မတီ ကိုယ်စားလှယ်တွေကတက်ရောက်ပြီး ကရင်နီ ပြည် ကိုယ်စားပြုလူငယ်(၃)ဦးကို တိုင်းနှင့်ပြည်နယ်ကိုယ်စားပြုလူငယ်များနှင့် အစိုးရတို့ပူးပေါင်း၍ ရွေးချယ်လိုက်  သောကိစ္စနှင့်ပတ်သက်၍ ကရင်နီပြည်လူငယ်များ၏ သတင်းစာရှင်းလင်းပွဲမှ ပြောဆိုမှုများအား ရပ်တည်သွား    မည်ဖြစ်ကြောင်းဆွေးနွေးသွားသည်ကိုသိရသည်။

ရှင်းလင်းပွဲတွင် ကန္ဒာရဝတီတိုင်း, Eleven Media, KNGY, KSFU, MSAU, ဂေဘားလူငယ်, UKSY, KNY, Lain Technical/ MPF စုစုပေါင်း(၂၅)ဦးခန့် တက်ရောက်ကြောင်းသိရသည်။

 

 

 

Leave a Reply