ရန်ကုန်အမေရိကန်သံရုံးမှ ကရင်နီအမျိုးသားတိုးတက်ရေးပါတီအား လာရောက်တွေ့ဆုံ

 

 

KnIC (LKW): 28 Dec

 

ရန်ကုန်မြို့ အမေရိကန်သံရုံး၊ နိုင်ငံရေးနှင့်စီးပွားရေးဌာန၏ ဌာနမှူးဖြစ်သူ ဂျော့ခ်ျဆွာဟာ့ခ် နှင့်အဖွဲ့သည် ၂၀၁၆-ခုနှစ်၊ ဒီဇင်ဘာလ (၂၇) ရက် ညနေ ၁၆း၃၀ နာရီအချိန်တွင် ကရင်နီအမျိုးသားတိုးတက်ရေး ပါတီအား လွိုင်ကော်   မြို့ရှိ၊ ကရင်နီအမျိုး သားတိုးတက်ရေးပါတီ၏ ဆက်ဆံရေးရုံးတွင် လာရောက်တွေ့ ဆုံပါသည်။

အမေရိကန်သံမှူးနှင့်အဖွဲ့တွင် အမေရိကန်သံရုံး၊ နိုင်ငံရေးနှင့်စီးပွားရေးဌာန၏ ဌာနမှူးဖြစ်သူ ဂျော့ခ်ျဆွာဟာ့ခ်၊ နိုင်ငံရေးအရာရှိ Keegan De Lancieနှင့်  နိုင်ငံရေးကျွှမ်းကျင်သူ နန်းခင်လေးငယ်တို့ ပါဝင်ပြီး အမေရိကန်သံမှူးနှင့်အဖွဲ့အား ကရင်နီအမျိုးသားတိုးတက်ရေးပါတီမှ အတွင်းရေးမှူး-၂ ဦးရွှေမျိုးသန့်နှင့် လွိုင်ကော် ဆက်ဆံရေးရုံးဒုတိယတာဝန်ခံ တော်ရယ် (အက်စ်) တို့မှလက်ခံတွေ့ဆုံ ပါသည်။

နှစ်ဘက်တာဝန်ရှိသူများ အပြန်အလှန်မိတ်ဆက်ကြပြီးနောက် လာရောက်တွေ့ဆုံရခြင်းနှင့်ပါတ်သက်၍ သံမှူး    ဂျော့ခ်ျ ဆွာဟာ့ခ် က ရှင်းလင်းပြောကြားရာတွင် အမေရိကန်အစိုးရအနေဖြင့် မြန်မာနိုင်ငံ ငြိမ်းချမ်းရေးအတွက် အစဉ်တစိုက်အားပေး ကူညီခဲ့ကြောင်း ယခုလက်ရှိအချိန်တွင် မြန်မာနိုင်ငံ၏ ငြိမ်းချမ်းရေးအခြေအနေနှင့်ပါတ်သက်၍  ဖြစ်ပေါ်တိုးတက်မှုနှေးကွေးလျှက်ရှိပြီး မြန်မာနိုင်ငံ မြောက်ပိုင်းတွင် ဖြစ်ပွားနေသော စစ်ပွဲများနှင့်ပါတ်သက်၍ အမေရိကန်နိုင်ငံ၏ မြန်မာနိုင်ငံအပေါ် စီးပွားရေးဒဏ်ခတ်ပိတ်ဆို့မှုရုတ်သိမ်းလိုက်၍ ဖြစ်ပေါ်လာသည့်အကျိုးဆက်   အဖြစ် နိုင်ငံရေးသမားအချို့က အမေရိကန်အစိုးရအား ပစ်တင်ဝေဘန်လျှက်ရှိကြောင်း မိမိတို့အနေဖြင့် လက်ရှိမြန်မာနိုင်ငံ ငြိမ်းချမ်းရေးဖြစ်စဉ်အလားအလာအပေါ် ကရင်နီအမျိုးသားတိုးတက်ရေးပါတီ၏ အမြင်နှင့် ကရင်နီ ပြည်နယ်တွင် ငြိမ်းချမ်းရေးနှင့်ပါတ်သက်သည့် ရှေ့အလားအလာများကို သိရှိ လို၍ လာရောက်တွေ့ဆုံ   ခြင်းဖြစ်ကြောင်းရှင်းလင်းပြောကြားပါသည်။

မြန်မာနိုင်ငံငြိမ်းချမ်းရေးဖြစ်စဉ်နှင့် ကရင်နီအမျိုးသားတိုးတက်ရေးပါတီ၏အခြေအနေ၊ ကရင်နီပြည်နယ် အခြေအနေ များနှင့်ပါတ်သက်၍ အတွင်းရေးမှူး-၂ ဦးရွှေမျိုးသန့်က ပြန်လည်ရှင်းလင်းတင်ပြရာတွင် ကရင်နီအမျိုးသားတိုးတက်ရေးပါတီ၏ အန္တိမရည်မှန်းချက်မှာ စစ်မှန်သောဒီမိုကရေစီပြည်ထောင်စု တည်ဆောက်ရေးဖြစ်၍ မြင့်မားသောရည်မှန်းချက်ဖြစ်ပြီး မိမိတို့ တစ်ဖွဲ့တည်းဖြင့်အကောင်အထည် ဖော်ဆောင်ခြင်းထက် ဘဝတူတိုင်းရင်းသားလက်နက်ကိုင်အဖွဲ့များဖြင့် စုပေါင်း၍ အရေးဆို ဆောင်ရွက်ရကြောင်း ကရင်နီအမျိုးသားတိုးတက်ရေးပါတီအနေဖြင့် မိမိတို့ တပြည်နယ်တည်းအရေး ကရင်နီအမျိုးသားတစ်ခု တည်းအရေးထက် တိုင်းရင်းသားများအားလုံးလိုလားသည့် အရေးကိုဦးစားပေး ဆောင်ရွက်သဖြင့် ကရင်နီပြည်နယ်အရေးတွင် နှောင့်နှေးမှုများဖြစ်ပေါ်ခဲ့ရကြောင်း၊ လက်ရှိငြိမ်းချမ်းရေး ဖြစ်စဉ်ကိုကြည့်လျှင် အစိုးရနှင့်တပ်မတော်သည် ပြည်တွင်းငြိမ်းချမ်းရေး တည်ဆောက် မှုအပေါ်မတူညီ သောချဉ်းကပ်မှုပုံစံဖြင့်သွားနေသည်ဟု ယူဆကြောင်း၊ မြောက်ပိုင်းမူဆယ်ဇုံတိုက်ခိုက်မှုအပြီး တပ်မတော်က တိုင်းရင်းသားလက်နက်ကိုင်(၄)ဖွဲ့ကို အကြမ်းဖက်အုပ်စုအဖြစ်အမည်တပ်ရန် ကြိုးပမ်းအားထုတ်မှုသည် ငြိမ်းချမ်းရေးဖော်ဆောင်မှုကို ပို၍လက်တွေ့အခြေအနေနှင့် ဝေးကွာသွား စေကြောင်း၊ နှစ်ဘက်တွင် မည်သည့်ပဋိပက္ခပင်ရှိစေ လက်နက်ဖြင့်ဖြေရှင်းခြင်းထက် စားပွဲဝိုင်းတွင် တွေ့ဆုံဖြေရှင်းခြင်းက ပို၍အဖြေမှန်မည်ဟု ယုံကြည်ကြောင်း၊ ကရင်နီပြည်နယ်တွင်လည်း ကရင်နီအမျိုးသားတိုးတက်ရေးပါတီအနေဖြင့် မိမိတို့၏ အပစ်အ  ခတ်ရပ်စဲရေးဆိုင်ရာ ကတိကဝတ်များကို စောင့်ထိန်းလျှက်ရှိကြောင်း လက်ရှိမိမိတို့ကြားတွင်ဖြစ်ပေါ်နေသည့် အားနည်းချက်မှာ အပြန်အလှန် ဆက်ဆံမှုပိုင်းက အားနည်းနေ ခြင်းဖြစ်ကြောင်း ကရင်နီပြည်နယ်၏ ရှေ့အလားအလာနှင့်ပါတ်သက်၍ ကရင်နီပြည်နယ်တည်ငြိမ်ရေးမှာ စစ်တပ်အပေါ်အများ ကြီးမူတည်ကြောင်း မိမိတို့အပေါ်နားလည်မှု ရှိနေသမျှ တည်ငြိမ်အေးချမ်းမှုရှိမည်ဖြစ်ကြောင်း ကရင်နီပြည်နယ်တလွှားတွင် အဆောက်အဦး၊ လမ်းတံတားများတည်ဆောက်မှုများနှင့်အတူ တိုးတက်ဖွံ့ဖြိုးမှုများရှိလာသည်ကို တွေ့မြင်ရကြောင်း ပြန်လည် ဆွေးနွေးတင်ပြပါသည်။

နှစ်ဘက်တာဝန်ရှိသူများ လက်ရှိနိုင်ငံရေးအခြေအနေများနှင့် ရှေ့အလားအလာများကို အပြန်အလှန် ဆွေးနွေးကြ ပြီးနောက် လက်ရှိအခြေအနေများပိုမိုတိုးတက်ကောင်းမွန်လာစေရေးနှင့်ပါတ်သက်၍ ကရင်နီအမျိုးသားတိုး      တက်ရေးပါတီ၏ အကြံပြုချက်များနှင့်ပါတ်သက်၍ ပါတီအတွင်းရေးမှူး-၂ က အကြံပြုချက် (၄) ချက်ကိုဆွေးနွေး တင်ပြပါသည်။

ပထမအချက်အနေဖြင့် ပြည်ထောင်စုအစိုးရအနေဖြင့် တိုင်းရင်းသားလက်နက်ကိုင်အဖွဲ့များအတွက် ဆက်ဆံရေးလိုင်းဖွင့်လှစ်ထားရှိ၍ ပုံမှန်ဆက်သွယ်ဆောင်ရွက်ရန်၊ ဒုတိယအချက်အနေဖြင့် ပြည်ထောင်စု အစိုးရ၊ ပြည်နယ်အစိုးရဝန်ကြီးများအနေဖြင့် တိုင်းရင်းသားလက်နက်ကိုင်အဖွဲ့အစည်းများ၏ မူဝါဒနှင့် ရပ်တည်ချက်များကို သိရှိနားလည်အောင်ကြိုးစားစေလိုကြောင်း၊ တတိယအချက်အနေဖြင့် တိုင်းပြည်တွင် စစ်မှန်သည့်ငြိမ်းချမ်းရေးတည်ဆောက်ရန် တပ်မတော်အနေဖြင့် တိုင်းရင်း သားလက်နက်ကိုင်များကို နားလည်မှုပေး၍ သဘောထားကြီးစွာဖြင့် အပြန်အလှန်လေးစားမှုပြု၍ နိုင်ငံရေးအရအဖြေရှာနိုင်ရန် ကြိးစားစေလိုကြောင်း၊ စတုတ္ထအချက်အနေဖြင့် နိုင်ငံတော်အတိုင်ပင်ခံနှင့် အမ်အယ်ဒီ ခေါင်းဆောင်များ အနေဖြင့် စစ်တပ်နှင့်တိုင်းရင်းသားလက်နက်ကိုင်များနှစ်ဘက်       အကြား ဆက်ဆံရေးတွင် ဘက်လိုက်မှု ကင်းစေလိုကြောင်းနှင့် ပဉ္စမအချက်အနေဖြင့် အပြည်ပြည်ဆိုင်ရာအစိုးရများနှင့်အဖွဲ့အစည်းများအနေဖြင့် မိမိတို့ထည့်ဝင်သည့် ငြိမ်းချမ်းရေးဆိုင်ရာရံပုံငွေများကို သုံးစွဲရာတွင် အစိုးရနှင့် တိုင်းရင်းသားလက်နက်ကိုင် အဖွဲ့တို့အကြား မျှတမှုရှိစေရန်နှင့် ငြိမ်းချမ်းရေးလုပ်ငန်းစဉ်အတွက် တိုက်ရိုက် လိုအပ်သည့်လုပ်ငန်းများ အပေါ်ကိုလည်း ထိထိရောက်ရောက်သုံးစွဲခွင့်ပေးရန်လိုကြောင်းအကြံပြုတင်ပြပါသည်။

နှစ်ဘက်တွေ့ဆုံဆွေးနွေးမှုသည် အချိန်တစ်နာရီခွဲခန့်ကြာမြင့်ခဲ့ပြီး နောက်ဆုံးတွင် အမေရိကန်သံအရာရှိ များ  ဘက်က မြန်မာနိုင်ငံငြိမ်းချမ်းရေးအတွက် အမေရိကန်အစိုးရအနေဖြင့်လည်း တတ်နိုင်သလောက် ပါဝင်ကူ   ညီဆောင်ရွက်သွားမည်ဖြစ်ကြောင်း ကတိကဝတ်ပြု၍ ညနေ ၁၇း၅၅ နာရီတွင်ပြန်လည်ထွက်ခွါ သွားကြောင်း သိရှိရပါသည်။

 

Leave a Reply