ကရင်နီဒုက္ခသည်များ ပြန်လည်နေရာချထားရေးနှင့်ပြန်လည်ထူထောင် ရေးအတွက် ဆွေးနွေးပွဲပြုလုပ်

 

 

KnIC (LKW): 9 DEC

ကရင်နီဒုက္ခသည်များ မိမိနေရပ်သို့ မိမိဆန္ဒအရ ဂုဏ်သိက္ခနှင့်အညီ ပြန်လည်အခြေချ နေထိုင်နိုင်ရန်၊ ဘဝလုံခြုံရေးအတွက် အာမခံချက်အပြည့်အဝရရှိစေရန်အတွက် ကရင်နီဒုက္ခသည်များ ပြန်လည် နေရာချထားရေးနှင့် ပြန်လည်ထူထောင်ရေး ဆွေးနွေးပွဲကို ကရင်နီဒုက္ခသည်ကော်မတီ (KnRC) မှကြီးမှု၍ ၂၀၁၆-ခုနှစ်၊ ဒီဇင်ဘာလ(ဂ)ရက်နှင့် (၉)ရက်တွင် လွိုင်ကော်မြို့နယ်၊ ထေးသမရပ်ရှိ၊ မောဒူဒီးဘိုး ကေ့ထျိုးဘိုးဟော်နန်း၌ ကျင်းပခဲ့ကြောင်းသိရသည်။

ကရင်နီဒုက္ခသည်ပြန်လည်နေရာချထားရေးနှင့် ပြန်လည်ထူထောင်ရေး အတွက်(KnRC) ကော်မတီဝင်ဦးလွီးဇီမှ ရည်ရွယ်ချက်များကို ရှင်းလင်းရာတွင် ဒုကျှသည်တွေကို ပြန်လည်နေရာ ချထားရာတွင် အတင်းအဓမ္မမဟုတ်ဘဲ မိမိဆန္ဒအရဖြစ်ပြီး လူ့ဂုဏ်သိက္ခာနှင့်အညီ ကာကွယ် စောက်ရှောက်မှု လုံခြုံမှုများပေးနိုင်ရန်၊ နိုင်ငံရေးအခြေအနေများကို ဒုက္ခသည်များအား သတင်း အချက်အလက်များဖြန့်ဝေပေးခြင်းနှင့် အသိပညာပေးရန်၊ ပြန်လည်နေရာချထားရေး လုပ်ငန်းတွင် ပါဝင်သော ပူးပေါင်းဆောင်ရွက်မှု အဖွဲ့နှင့် ဒုက္ခသည်များ လုပ်ငန်း ချောမွေ့စေရေး စီစဉ်ဆောင်ရွက်ပေး ရန်နှင့် ပြန်လည်ကုစားခြင်းနှင့်ပြန်လည်ထူထောင်ခြင်း လုပ်ငန်း အစီအစဉ်ကို အဆင့်ဆင့်ဆောင်ရွက်သွားရန် ပြောသွားပါသည်။

ဒုက္ခသည်စခန်းနှစ်ခုတွင် နေထိုင်ကြသောလူဦးရေ (၂၉၈၉)ဦးခန့်အတွက် လူသားချင်းစာနာ ထောက်ထားသည့် အထောက်အပံ့များရရှိနိုင်ရေး၊ ဘဝလုံခြုံစိတ်ချမှုရရှိစေရေး၊ အသိဥာဏ်နှင့် လူမှုဘဝဖွံ့ဖြိုးတိုးတက်စေရေးတို့အတွက် ဆက်စပ်ညှိ နှိုင်းပေးနိုင်ရန် ကရင်နီဒုက္ခသည်ကော်မတီ (KnRC) ကို ၁၉၉၇-ခုနှစ်၊ မတ်လတွင်စတင် ဖွဲ့စည်းခဲ့ကြောင်းသိရသည်။

ထိုကရင်နီဒုက္ခသည်ကော်မတီမှ ကြီးမှူး၍ ၂၀၁၂-ခုနှစ်တွင်(၄)ကြိမ်၊ ၂၀၁၄-ခုနှစ်တွင် တစ်ကြိမ်၊၂၀၁၅-ခုနှစ်တွင် (၂)ကြိမ် ကရင်နီလူမှုအခြေပြုအဖွဲ့အစည်းများ၊ ဘာသာရေးခေါင်းဆောင်များ နှင့်အတူ အလုပ်ရုံဆွေးနွေးပွဲများပြုလုပ်ခဲ့ရာမှ ရရှိလာသော အချက်အလက်များပေါ်အခြေခံ၍ လက်ရှိ မြန်မာနိုင်ငံ၏ နိုင်ငံရေးပြောင်းလဲမှုဖြစ်စဉ်သည် ဒီမိုကရေစီလမ်းကြောင်းပေါ်သို့ စတင်ပြီဟု ယူဆမှုများ ရှိသကဲ့သို့ နောက်ပြန်ဆုတ်နိုင်သည့် အခြေအနေများနှင့် အကြောင်းအရာများရှိနေသေးသည်ဟု ယူဆမှု များလည်းရှိနေသေး၍ ဒုက္ခသည်များကို နေရပ်ရင်းဒေသသို့ ပြန်လည်ပို့ဆောင်ရန် အချိန်ကျရောက်မှု မရှိသေးသောကြောင့် ဒုက္ခသည်များနှင့် ဌာနေလက်လွတ် တိုင်းရင်းသားများ မိမိနေရပ်သို့ ပြန်လည်အခြေချမှုသည် အပြည်ပြည်ဆိုင်ရာ စံနှုန်းများဖြစ်သည့် မိမိဆန္ဒအရ ဖြစ်ခြင်း၊ ဂုဏ်သိက္ခာနှင့် အညီပြန်လည်အခြေချ နေထိုင်ခွင့်ရှိခြင်း၊ ဘဝလုံခြုံရေးအတွက်အာမခံချက်အပြည့်အဝရှိခြင်း စသည့်အချက်များနှင့် အညီဖြစ်စေရန် ပြန်လည်နေရာချထားမှုအစီအစဉ်မစတင်မီ ကြိုတင်ပြင်ဆင်ရမည့် သဘောထားရပ်တည်ချက် (၁၃)ချက်ကို ပြင်ဆင်ခဲ့ကြကြောင်းသိရသည်။

ပြန်လည်နေရာချထားရေးနှင့် ပြန်လည်ထူထောင်ရေးလုပ်ဆောင်ရာတွင် လိုအပ်သော ဝန်ဆောင်မှု များကို ကြိုတင်ပြင်ဆင်ရမည့် အစီအစဉ်များအား ဆွေးနွေးခဲ့ကြောင်းသိရသည်။ ဒုက္ခသည်များ ပြန်လာလျှင် အဓိကကြုံတွေ့နိုင်သည့် စိန်ခေါ်ချက်မှာ ကြောက်ရွံ့မှု၊ မှတ်ပုံတင်ရရှိမှု၊ မြေယာအသုံးချမှု၊ အခြေခံဝန်ဆောင်မှုတူညီစွာရရှိမှု၊ အသက်မွေးဝမ်းကျောင်းပညာရရှိမှုများ ဖြစ်ကြောင်းသိရသည်။ မြေနေရာ သတ်မှတ်ထားရှိမှုနှင့်ပတ်သက်၍ ဒီမောဆို၊ ဖရူဆို၊ ဖာဆောင်းမြို့နယ်များတွင် လျာထားသော်လည်း အစိုးရဘက်မှ “ပြန်လာတဲ့အချိန်မှစီစဉ်ပေးမယ် လို့ပြောတယ် ကျနော်တော်တို့က မတရားအသင်း ဖြစ်နေတဲ့အတွက် တရားဝင်ပေးလို့ရအောင် NCA လက်မှတ်ထိုးလိုက် လို့ပြောတယ်” ဟုဒုဝန်ကြီး ဦးညေးရယ်ကဆိုသည်။

လူဝင်မှုကြီးကြပ်ရေးဌာနမှ နေရပ်ပြန်နိုင်ငံကူးလက်မှတ်ရဖို့နဲ့ မှတ်ပုံတင်လုပ်ဖို့ကိစ္စကို နေရပ်ပြန် လာသောအခါမှသာ အိမ်ထောင်စုစာရင်းမှန်မမှန်၊ အမှန်တကယ်နေထိုင်မှုရှိမရှိကို စီစစ်ပြီးမှ ဆုံးဖြတ်မည် ဖြစ်ကြောင်းသိရသည်။ ပြန်လာသောအခါတွင် ပညာရေးစနစ်ကို ဟိုဘက်ဒီဘက် ညှိနှိုင်းဖို့လိုကြောင်းနှင့် ပြည်နယ်ပညာရေးမှူးကို(၂)ကြိမ်တွေ့ဆုံခဲ့ပြီးဖြစ်ကြောင်းသိရသည်။  နယ်စပ်ဒေသဖွံ့ဖြိုးတိုးတက်ရေးဦးစီး ဌာနမှ အသက်မွေးဝမ်းကျောင်း ပညာသင်တန်းများ ပေးခြင်းများပြုလုပ်မည်ဖြစ်ကြောင်း၊ FRC (NGOs) မှပန်းရံလုပ်ငန်း၊ ဆိုင်ကယ်ပြင်လုပ်ငန်းများကို (၃)လတာ သင်တန်းဖွင့်ပေးခြင်းများပြုလုပ်ပေးပြီး သင်တန်း တက်ရောက် သူများကို (၃)လတာ နေထိုင်စားသောက်ရန် စီစဉ်ဆောင်ရွက်ပေးနိုင်ကြောင်းသိရသည်။ ကရင်ပြည်နယ်ဘက်မှ ပြန်လာသော ဒုက္ခသည် ပထမသုတ်ကို Social Worldတွင် တွေ့ရှိရသည်မှာ ထိတ်လန့်စရာဖြစ်နေကြောင်းနှင့် သတိထားစရာ၊ သင်ခန်းစာယူစရာတစ်ခု ဖြစ်နေကြောင်း သိရသည်။

အဆိုပါဆွေးနွေးပွဲသို KNPP/ KnRC/ NGOs/ INGOs/ LOCAL NGOs/ CBOs/ CSOs အဖွဲ့နှင့် အစိုးရဘက်မှ ဌာနဆိုင်ရာဝန်ထမ်းများ တက်ရောက်ကြပြီး လူဦးရေ(၅၀)ဦးခန့်ရှိကြောင်း သတင်းKရရှိပါ သည်။

 

ဦးအောင်မောင်း၊ ပိုးမြာ၊ ကြားမြာ၊ ကူးမို၊

ဘော်ရယ်

Leave a Reply